X
تبلیغات
یورد....ائل شسون بغدادی

یورد....ائل شسون بغدادی

عاشیخلار،سازاننالار،هاوالار،دایرا چالانلار --بیزیم شسون یوردلاریننا

قوم ساوه عاشیق موحیطی (3)

http://www.hbayat. com/

قوم ساوه عاشیق موحیطی (3)

 
 
30 آذر, 1385, 16:55
دوکتور علی قافقازیالی
    
 5.6. "قوم-ساوه عاشیق موحیطیـن"ده اولان عاشیق - اوزان و ادبیات اوجاقلاری:  
 
 چؤگور درسی آلان اؤیرنجی‌لر  
    
      قوم‌دا، عاشیق حسین  علی حسینی‌ باشقانلیغینی یاپدیغی و رسمی مقاملارجا اونایلی (مجوزلی) بیر   "چؤگور ائوی "  واردیر. بو چؤگور ائییتیم (آموزش) اوجاغیندا گنج‌لره و اوشاقلارا چؤگور، بالابان و دایره  درس‌لری وئریلمکده‌دیر. هر دؤنمده ان آز 10-15 اؤیرنجی ائییتیم آلماقدادیر. زامان زامان اؤیرنجی ساییسی داها دا آرتا بیلمک‌ده‌دیر.
 
  علی قافقازیالی  " قوم چؤگور ائوی " نین  مودورو عاشیق حسین  علی حسینی ’ده‌ن  بیلگی آلیرکن  
    

      آیری‌جا قوم‌دا، شاعیرلرین، یازارلارین و صنتچی‌لرین اولوشدوردوقلاری  " پینار "،  " حکیم هیدئجی"،  " آل یاسین "،  " تورک ادبیات اوتاغی "  کیمی ادبی مجلسلر واردیر. بو مجلس‌لر هفته‌نین بلیرلی گونلرینده صوحبت توپلانتی‌لاری یاپارلار. بو گوروپلارا عاشیقلار دا داوام ائتمکده‌دیر. حتی بو مجلسلرده عاشیقلار دا پروگراملار یاپماقدادیرلار. 
 
   " تورک ادبیات اوتاغی "  جمعیتی نین اویه‌لری
  
      حیدر بایات، غلام رضا باهاری، ائلشن اوریادلی، جلال ذولفقاراوغلو، فتح الله ذوقی، احمد رنجبری،  کیمی یازار و شاعیرلر بیر طرفدن موحیطین قدیم عاشیق و اوزانلاری نین اثرلرینی توپلاییپ یاییملاماقدا، بیر طرفدن ده چاغداش عاشیقلارلا یاخیندان ایلگیلن‌مک‌ده‌، اونلارلا ایلگی‌لی قزیته، درگی و اینترنت صحیفه‌لرینده یازیلار یازماقدادیرلار.  
 
  " آل یاسین ادبی مجلس"ینده‌ن بیر گؤرونتو  
    
      دیگر یاندان یازار بختیار فرخ، عاشیقلارلا قوم تلویزیونوندا تورک عاشیق‌لیق گله‌نه‌یی اوزه‌رینه‌  پروگراملار یاپماقدا، گؤردویو  " استریو شباهنک (ائل‌سئوه‌ن) "  آدلی موزیک ائوی واسیطه‌سیله یئنه بو عاشیقلارین اثرلرینی ‌سی‌دی‌لره قید ائده‌رک خالقا سونماقدادیر.   " استریو خیام "  آدلی باشقا بیر موزیک قید ائوی داها واردیر. او را عاشیقلارین اثرلرینی سی‌دی‌لره قید ائدیب، ساتیشینی یاپماقدادیر. 
      بو چالیشمالارا یوکسک مدرسه تحصیلی آلمیش و  " موللا "  عونوانی داشی‌یان علم آداملاری دا قاتیلماقدادیر. قوم کیمی ایران موسلمانلیغی نین مرکزی دوروموندا اولان بیر شهرده بو چالیشمالارین یاپیلماسی تورک عاشیق‌لیق گله‌نه‌یی آدینا چوخ اؤنملی بیر دورومدور.  
      بو موحیطده عاشیقلار قهوه‌سی یوخدور. چونکو عاشیقلار قهوه‌سینه خوش باخیلماییر. عاشیقلارین، قهوه‌لرده،  تصادوفی بیره آرایا گلدیکلری یئرلرده چؤگور چالیپ تورکو اوخومالارینی و یا حیکایه  آنلاتمالارینی اویغون گؤرمه‌ییرلر. اونلارا گؤره عاشیقلار، بیر یئره  موطلقا دعوت اوزه‌رینه‌  گئتمه‌لیدیر.  گئتدی‌یی مکاندا بولونانلار دا عاشیق ایچین، اونو دینله‌مه‌ک ایچین توپلانمیش اولمالیدیرلار. 
      عاشیقلار، گئنل‌لیک‌له قیز ایسته‌مه‌، سؤز کسمه‌، نیشان دویون مراسیملرینده، دویونلرده/تویلاردا، سوننتلرده (ختنه سوران)، قوتلاما تؤره‌نلرینده (جشنلر)، عسکره گئده‌نلر ایچین یاپیلان شؤلنلرده، محلی، میللی بایراملاردا و بعضی دینی گونلرده چالیپ سؤیله‌مکده‌دیرلر. عاشیقلار چؤگور چالار، اوخور و اوخودوغو ماهنی‌نی یوروملارلار. 
 
      5.7. قوم-ساوه عاشیق موحیطی نین خالق حیکایه لری و دستانلاری:
 
     1. اوستاد تئلیم‌خان 
     2. خوندابلی (خوندابلی) مهجور  
      3. گرگرلی محمد  
      4. خان عسگر
      5. کؤر اوغلو حیکایه‌لری  
  5/1.  ارزوروم سفری  
  5/2.  توقات سفری  
 5/3.   دورنا تئلی  
5/4.    دربند سفری  
 5/5.   ایواز  
  5/6.  دمیرچی اوغلو 
5/7.    دلیکلی داش  
5/8.    کورداوغلو حسن  
5/9.    بولو سردار  
5/10.  کئچل همزه (قیرآت)  
  6.     خسته قاسیم  
  7.     شیرین بیرچک  
  8.     بهرام خان  
  9.     محمود ایله پری  
  10.   شاه ایسماعیل  
  11.   اصلی و کرم  
  12.   غریب و شاه صنم  
  13.   افروز معصوم  
  14.   ورقا ایله گولشاه  
  15.   طاهیر میرزا  
  16.   محمود نیگار  
  17.   قوربان خان  
  18.   ایمراه (ائمراه)  
  19.   وانلی کؤچک (کؤچک ریضا)  
  20.   ارزو قنبر  
  21.   کیقباد
  22.   کلبی، علی کلیبرلی  
  23.   اسد نیظام  
  24.   سئیدی  
  25.   عابباس توفارقانلی  
  26.   حسرت
    
           اوستاد تئلیم خان، خوندابلی مهجور و اسد نیظام آدلی حیکایه لر بو موحیطه اؤزه‌ل خالق حیکایه لری‌دیر. 
     
5.8. قوم-ساوه عاشیق موحیطی‌نین عاشیق هاوالاری: 
      کلکی‌لر  
  1.     یورغون کلکی  
  2.     کلله کلکی  
  3.     کؤسه‌لر کلکی‌سی  
  4.     کؤچ کلکی  
  5.     گون کلکی  
  6.     دوه زنگی کلکی  
  7.     کلکی شیرازی  
  8.     یول کلکی  
  9.     یئکه باغ کلکی  
  10.   یارجانلی کلکی  
  11.   یورد کلکی  
    
      گرایلی‌لار
 
      کلله گرایلی  
      کسمه‌ گرایلی  
      ساللاما گرایلی  
    
 لئیلانالار   
  1.     راستا  
  2.     بیر آیاق  
  3.     ایکی آیاق  
  4.     اوچ آیاق  
  5.     دؤرد آیاق  
  6.     بئش آیاق  
  7.     یئری ها یئری  
  8.     جانیم اینجه بئل  
  9.     ملک ملک  
  10.   قارا خان  
  11.   طرلان جئیران  
  12.   سلبی‌ناز  
  13.   یایخان   
  14.   ناری ناری  
  15.   توولاما  
  16.   نئوازئینیم  
    
    
       باشقا هاوالار 
  2. شکسته  
  3. زرگری (علی بالا)  
  4. کرم  
  •  د او  بئیتی  
  •  کسمه‌  
  7. تورکمنی  
  •  مهتر خانی  
  •  میرزاجان بحری  
  10. کوراوغلو (اغاج آغاج)  
  11.   رودباری  
  •  سادا رودباری  
  •  علی بالا رودباری 
  14. نئینیم  
  •  شهریاری  
  •  گل گل  
  17. موصطافا بئگ  
  •  هشترخانی  
  19.   عوثمانلی
  •  عاشیق   سلمان  
  •  قیز ننه‌ن اؤلسون 
  •  مارال  
  
  قوم-ساوه   عاشیق موحیطی نین عاشیق هاوالاری گئنل‌لیک‌له غملی، حوزونلو هاوالاردیر. بونون سببینی عاشیق حسین  علی حسینی  بئله آچیقلاییر:  " بیزیم چؤگورون، بالابانین، سازین (زورنا)، چاویرین (نئی) و دایره  نین (دف) حالت ـی روحیه‌سی ایله بیزیم شاهسئون، تورکمن، ساوه تورکلری‌نین حآلت-ی روحیه‌سی بیردیر. بیزیم بو بؤلگه‌نین تورکلری کؤچری اولدوقلاریندان، دواملی یئر دئییشدیردیکلرینده‌ن، داغلاردا یایلاقلاردا، قیشلاقدا، یایلاقدا بولوندوقلاریندان  غوربت ده‌دیرلر. کدرلی و حوزونلودورلر. اونلارین هاوالاری هر زامان غملیدیر. بیزیم موسیقیمیزین سازیمیزین چؤگوروموزون تملی  " شور "  کؤکونده‌دیر. بیزیم ان شن هاوامیز بئله حوزونلودور. اوستاد تئلیم‌خان دئییر کی:"  
 
وطندن آیریلدیم یول ایکی اولدو، 
هئچ بیلمیره‌م هانسی یولو گئده‌م من؟ 
  ائی آغالار هئچ کس غریب اولماسین، 
  غریبین نالاسی داغی یاندیرار. "  
 
  5.9. قوم-ساوه عاشیق موحیطی’نی بسله‌ئیئن قایناقلار:  
 
  قوم-ساوه عاشیق موحیطی عاشیق‌لیق گله‌نه‌یی نین  تملینده و روحوندا، تورک سویونون جهان حاکیمییئتی ایدئالی نین و نیظام-ی عالم ایده‌آل‌لاری‌نین غئیرتینی؛ تورک سویونون اولو داغلاری، یایلاقلاری مکان توتما و بورالاری صاحیبسیز بیراخماما دوشونجه‌سینی، تورک گؤچه‌به حایاتی نین آیریلیق فصلینی،  قاووشما جوشقوسونو؛ ائنگین یایلاقلاری نین ائنگینلی‌یینی، سارپ داغلاری نین هئیبتی‌نی؛ تورک سویونون سایه‌سینده‌ن اوزاق اولمایان یابانیل-ائوجیل حییوانلارین خصلت‌لرینی، قورد اولاماسینی قوزو مله‌مه‌سینی، آت کیشنه‌مه‌سینی، جیران قاچیشینی، گؤیرچین اؤتوشونو )(اوخوماسینی)، قارتال سوزوشونو سس سس، نوتا نوتا دویماق مومکوندور. 
 
  یئنه بو بؤلگه‌ عاشیق‌لیق گله‌نه‌یی نین تملینیده تورک کولتورونون اصلی عونصورلاری اولان دده قورقود باشدا اولماق اوزره تورک خالق حیکایه لری نین،   گلمیش گئچمیش اوستاد عاشیقلارین سس‌لری نین، سؤزلری نین، سازلاری نین ایزلری، تکیه-صوفی اوجاقلاری نین نفسی واردیر. 
 
  تورک عاشیق‌لیق گله‌نه‌یی، تورکلر ایسلام دینی دایره سینه گیردیکده‌ن سونرا ایسلامی ده‌یرلرده‌ن  چوخ ائتگیلنمیش، داها سونرا طریقت-تکیه موحیطلرینده‌ن گلن عاشیقلارلا عاشیق ادبیاتی داها دا ایسلامی اؤزه‌ل‌لیک قازانمیشدیر. دیگر یاندان خالقین  طلبی ده گؤز اؤنونه آلیناراق  احمد یسوی، نسیمی، ختایی، یونوس ایمره کیمی تکیه-تصووف موحیطی شاعیرلری نین اثرلری عاشیقلارین دیلیندئن ساز ائشلی‌یینده خالقا سونولموشدور.  
  بؤیله‌جه عاشیق شعری تکیه- تصووف ادبیاتی نین رنگییله چوخ بویانمیشدیر.  قوم-ساوه عاشیق موحیطی’نده ده عاشیقلار، XVIII یوزایلین بویوک اوستادلاریندان تکیه-تصووف شاعیری تئلیم‌خانین چوخ تاثیری آلتیندادیرلار.  هیچ بیر عاشیق یوخدور کی تئلیم‌خان’دان شعر اوخویوپ، تورکو سؤیله‌مه‌سین. دئمک هر دویون درنکده اوخونان تورکو و شعرلرین    %80-90’ی تئلیم‌خان’دان‌دیر. دیگر یاندان بو عاشیق موحیطینده‌ بولونان تورک موسلمانلارین آز بیر قیسمی علوی، بویوک بیر قیسمی ایسه  شیعه اینانجیندادیرلار. شیعه اینانجینی  اساس  آلان  ایران  یؤنه‌تیم ی هر قیسمده‌ن اولدوغو کیمی دولایلی اولاراق عاشیقلاردان دا  دینی،  مذهبی اثرلر  طلب  ائتمکده‌دیر. بیر زامانلار قوزئی آذربایجان عاشیقلاری کومونیست  یؤنه‌تیم ین باسقی و  طلب ی دوغرولتوسوندا کومونیست ایدئولوژیگی اؤوه‌ن و تبلیغ  ائده‌ن  اثرلر ووجودا گتیردیکلری کیمی بورادا دا عاشیقلار ایسلامی رئژیمین قید اؤرتولو و دولایلی  طلبی ایله  ایسلامی اثرلر ووجودا گئتیرمکده‌دیرلر. بؤیله‌جه قوم-ساوه عاشیق موحیطی عاشیقلاری، اثرلرینده دینی قونولارا چوخ یئر وئرمکده‌دیرلر. علوی-بئکتاشی تورک عاشیقلاری ایسه  ذاتن ازلده‌ن بری طریقت تعصصوبوایچه‌ریسینده‌دیرلر. صنت و ادبیات اثرلرینده دینی اینانچلارینی تره‌ننوم ائتمکده‌دیرلر. 
 
  عاشیقلارین پروگراملارینا باشلارکن اوخودوقلاری ساده‌حه  بو ایکی شعر بئله قوم-ساوه عاشیق موحیطی’نین  اساس لاندیغی شعرلری گؤستئرمکده‌دیر: 
 
   " خوش گونلرده توی بایرامدا، 
  اوخور سازین،  چالار عاشیق. 
  سازینان مجلسه گیره‌ر، 
  بیر خوشلوغی سالار عاشیق. 
 
  عاشیق  سؤیلر شریعتده‌ن، 
 طریقت و معرفتدن، 
  آیری دوشمه‌ز حقیقتدئن، 
  دوغرو یولدا قالار عاشیق. "  
  (بو ایکی شعر علی رمضانی دان آلینمیشدی)
 
  5.10. قوم-ساوه عاشیق موحیطی’نه منسوب چاغداش عاشیقلار:  
 
  عاشیق عابباس شاهبوداغی (ساوه 1956) 
  عاشیق علی جمالی (مردآباد-کرج 1966) 
  عاشیقعلی رمضانی (ساوه 1949) 
  عاشیق علی رشیدی (ساوه 1971) 
  عاشیق علی صدیقی (گؤرمه‌ اؤزورلودور. ساوه 1971) 
  عاشیق عابباس ملاییرلی (مالاییر 1956) 
  عاشیق احمد رحیمی (ساوه 1946) 
  عاشیق عسکر قوربانی (قوم 1971) 
  عاشیق اسد زیارتی (فراهان-اراک 1956) 
  عاشیق حیدر محمودی (همدان 1936) 
  عاشیق بالاخان دانیش بایات (ساویجبولاگ 1946) 
  عاشیق ابوالفضلی ذوقی (ساوه 1968) 
  عاشیق عرشداد    جلالی (ساوه 1976) 
  عاشیق فتح اللهی ولی‌خانی (قوم 1963) 
  عاشیق حسن میرزایی (قوم 1958) 
  عاشیق حسین  علی حسینی  (ساوه 1970) 
  عاشیق حسین  یاری (ساوه 1968) 
  عاشیق حسین آوشار (افشار) (همدان 1972) 
  عاشیق ایبراهیم قدیرنییا (بوئین زهرا !973) 
  عاشیق قیاس جباری (قاراقان 1946) 
  عاشیق لطیف یونسی (بویونزئهرا 1966) 
  عاشیق مهدی سردی (ساوه 1972 
  عاشیق محمد رضا میرزایی  (ساوه 1970) 
  عاشیق مسیح الله رضایی (قاراقان1946) 
  عاشیق میرزآقا مجیدی (بویونزئهرا 1961) 
  عاشیق محمد خوشرو (قوم 1968) 
  عاشیق محمد آفشار (قاراقان1961) 
  عاشیق محمد باقری (همدان 1962) 
  عاشیق محمد چیراغی (قوم 1973) 
  عاشیق محمد عزتی (قوم 1973) 
  عاشیق محمد علی صحرایی (ساوه 1949) 
  عاشیق نعمت چیناری (قاراقان1972) 
  عاشیق نصرت الله زرگر (شهریار-کرج 1961) 
  عاشیق رضا حاج‌عرب (بوئین زهرا 1973) 
  عاشیق صفر دانئکی (قاراقان1941) 
  عاشیق ستار خیدمتی (ساوه 1965) 
  عاشیق تقی موحیط (ساوه 1962) 
  عاشیق ولی‌الله میرزایی (قاراقان1964) 
 
  5.11. قوم-ساوه عاشیق موحیطی’نه منسوب چاویر (نئی) چالانلار:  
 
ابوالحسن موحیط (ساوه 1940) 
  تقی موحیط (ساوه 1962) 
 
  5.12. قوم-ساوه عاشیق موحیطی’نه منسوب بالابانچیلار:  
 
  اسکندر مجیدی (همدان 1965-2001) 
  عابباس ایسماعیلی (ساوه 1946) 
  عابباس چیناری (قاراقان1971) 
  عابباس زند (قوم 1971) 
  علی نظری (کرج 1971) 
  علی شهابانی (قوم 1986) 
  علی ذولفقاری (ساوه 1971) 
  بهنام جاویری (ساوه 1966) 
  بهرام بهروزی (ساوه 1960) 
  داوود هوشیار (ساوه 1961) 
  اکبر چیناری (قاراقان1966) 
  امیر موحیط (ساوه 1976) 
  اسد‌الله جوانمرد (ساوه 1956) 
  حوکمعلی ایسلامی (ساوه 1966) 
  حسین علی حسینی  (ساوه 1970) 
  حسین حقیقی (قوم 1974) 
  حسین خوسره‌وی (ساوه 1966) 
  ایبراهیم دیلدوز (قاراقان1966) 
  کییومرث دانئکی (قاراقان(1971) 
  محمود ریضوان (ساوه 1958) 
  محمود بولبول (ساوه 1971) 
  محمد جوانمرد (ساوه 1981) 
  محمد چیناری (قاراقان1976) 
  محمد دده خانی (مه‌رداغا 1951) 
  محمد جعفری (همدان 1965) 
  مرتضی هفتانی (ه راق -تفرش 1970) 
  رسول عزیزی (قاراقان1971) 
  رضا بهمن (ساوه 1976) 
  رضا خلج (قاراقان1966) 
  رضا ملکی (قوم 1966) 
رضا ضابیطی (زرند-ساوه 1971) 
  صیفت علی‌وئردی (قاراقان1956) 
 
  5.13. قوم-ساوه عاشیق موحیطی’نه منسوب دایره  چالانلار:  
 
  حسن سولئیمانی (همدان 1925-1985) 
  رحیم بهروزی (ساوه 1976-2001) 
 
  حسین استخری (اراک  -استخر 1958)،  
حسین کریمی    (ساوه 1970) 
  سید علی امیری (همدان 1966)، 
  سید امیر عقیلی (همدان 1976) 
 
  5.14. قوم-ساوه عاشیق موحیطی’نه منسوب ساز (زورنا) چالانلار  
 
  بیت‌الله بهرامی (ساوه اؤلوم. 1996) 
  محرم نجفی (ساوه 1951-2001) 
  حسین علی آقاخانی ( ساوه 1956-2001) 
  میرزه علی معصومی (ساوه 1965-2001) 
  عابباس ایسماعیلی (ساوه 1946) 
  عابباس چیناری (قاراقان1971) 
  عابباس زند (قوم 1971) 
  عبد‌الله زرنگ (ساوه 1956) 
  علی شهابانی (قوم 1986) 
  علی ذولفقاری (ساوه 1971) 
  بهنام جاویری (ساوه 1966) 
  بهرام بهروزی (ساوه 1960) 
  بشیر تورکمندار میانالی (ه راق  1951) 
  داوود هوشیار (ساوه - 1961) 
  اکبر چیناری (قاراقان1966) 
 علی صدیقی (امادیر)(ساوه 1971) 
  امیر موحیط (ساوه 1976) 
  اسد‌الله جاوانمرد (ساوه 1956) 
  حبیب سازاندا (ساوه 1946) 
  حوکمعلی ایسلامی (ساوه 1966) 
  حسین علی حسینی  (ساوه 1970) 
  حسین  حقیقی (قوم 1974) 
  حسین خوسروی (ساوه 1966) 
  ایبراهیم دیلدوز (قاراقان1966) 
  اسفندیار خیدیری (قوم 1966) 
  کییومرث دانئکی (قاراقان(1971) 
   کورد اکبر قاراچایلی (ساوه 1951) 
  محمود فلاح  (ساوه 1940) 
  محمود ریضوان (ساوه 1958) 
  محمود بولبول (ساوه 1971) 
  محمد آفشار (قوم 1966) 
  محمد جاوانمرد (ساوه 1981) 
  محمد چیناری (قاراقان1976) 
  محمد قوربانی (قوم 1965) 
  محمد دده خانی (مه‌رداغا 1951) 
منصور باقرآبادلی (قوم 1971) 
  منوچهر بهرامی (ساوه 1976) 
  مرتضی هفتانی (ه راق -تفرش 1970) 
  نعمت باقرآبادلی    (قوم 1966) 
  رسول عزیزی (قاراقان1971) 
  رضا بهمن (ساوه 1976) 
  رضا خلج (قاراقان1966) 
  رضا مارال (قوم 1971) 
  رضا ملکی (قوم-1968) 
  رضا ضابیطی (زرند-ساوه 1971) 
  روح‌الله شاه حسینی  (قوم-1981) 
  اسدالله خوشنوار (ساوه 1964) 
صیفت علی‌وئردی (قاراقان1956) 
 
  5.15. قوم-ساوه عاشیق موحیطی’نه منسوب داوول چالانلار: 
 
  شمس‌‌الله بهرامی (ساوه 1940؟- 2004) 
  عابباس شاهبوداغی (ساوه 1956) 
  عبدالله قمبری (مه‌رداواد 1961) 
  علی باقرآبادلی (قوم 1981) 
  علی نظری (کرج 1971) 
  بایرام نظری (ساوه 1965) 
  بهروز باقرآبادلی (قوم 1976) 
  اسد ایسماعیلی (ساوه 1961) 
  حسن ذاکیری (ساوه 1973) 
حسین کریمی (ساوه 1970)،  
کمند چیناری (قاراقان1956) 
محمود ایسماعیلی (ساوه 1976) 
مجید آفشار (قوم 1986) 
محمدلی چیناری (قاراقان1956) 
محمد صبور (ساوه 1960) 
حمد جعفری (همدان 1965) 
رستم قمبری (مه‌رداوات 1966) 
ید‌الله محمدی (قوم 1971) 
 
  5.16. قوم-ساوه عاشیق موحیطی’نده چؤگور یاپانلار: 
 
  اونلو چؤگور اوستالاریندان ارمنی اصیل لی اوستا نریمان، اوستا آرمنئک و اوستا شئماور اولموشلار. اوستا نریمانین اوغلو اوستا نریمان تهران’دا یاشاماقدادیر و چؤگور اعمالاتخاناسی واردیر. 
 
  اوستا صفر علی مقصودی (اوستا نئریمانین چیراغی)، اوستا احمد آغایی رحیمی و اوستا رضا فراهانی قوم-ساوه عاشیق موحیطی’ین اوستا ساز اعمالاتچیلاریدیر. یئنه اوستا رضا فراهانی’نین قوم’دا، اوستا صیدقعلی موحیببی و اوستا سید رسول’ون ساوه’ده اعمالاتخانالاری واردیر.  
  اوستا سید رسول’ون سول قولو بیله‌کده‌ن یوخدور.  
  السیز قولو ایله هم چؤگور یاپماقتا، هم ده چؤگور، تار و سه‌تار چالماقدادیر. 
+ نوشته شده در ۲۲/۳/۱۳۸۷ساعت ۱۸:۱۲ توسط اصغر حسنی دسته : نظر(0)